*रसायनशास्त्र विषयाच्या विद्यार्थ्यांना रोजगाराच्या अनेक क्षेत्रात संधी उपलब्ध.प्रा.डाॅ. सिराज शेख* संग्रामनगर दि.३० (केदार लोहकरे यांजकडून)अकलूज येथील शंकरराव मोहिते महाविद्यालयात रसायनशास्त्र विभागाच्या वतीने रसायन शास्त्राची पदवी प्राप्त केल्यानंतर पुढे काय ? या विषयावर महाविद्यालयाचे माजी विद्यार्थी व सध्या पुणे येथील अबेदा इनामदार या महाविद्यालयाचे प्रा.डाॅ.सिराज शेख यांचे व्याख्यान आयोजित केले होते.या कार्यक्रमाच्या अध्यक्षस्थानी रसायनशास्त्र विभागाचे विभाग प्रमुख प्रा.डॉ.सतीश देवकर हे होते. रसायन शास्त्राची पदवी मिळाल्या नंतर शासकीय संस्था तसेच खासगी कंपन्यांमध्ये असणाऱ्या नोकरीची सुवर्ण संधी तसेच देशात व परदेशात वेगवेगळ्या ठिकाणी असणाऱ्या नोकरीच्या व संशोधनाच्या संधी याबाबत त्यांनी मुलांना मोलाचे मार्गदर्शन केले. या कार्यक्रमांमध्ये बीएससी भाग ३ च्या रसायनशास्त्र विषयाच्या सर्व विद्यार्थ्यांनी सहभाग नोंदवला.हा कार्यक्रम यशस्वी करण्यासाठी प्रा.उत्तम वाघमोडे,प्रा.रणजीत सुर्वे,प्रा.स्नेहल पिसे,प्रा.ज्योती फुले,प्रा.प्रीती पिसे यांनी प्रयत्न केले. या कार्यक्रमाचे प्रास्ताविक व प्रमुख पाहुण्यांच्यी ओळख डॉ.दमयंती कांबळे यांनी करून दिली.सूत्रसंचालन प्रा.रोहिणी वसेकर यांनी केले व आभार प्रदर्शन बीएससी भाग-३ मधील विद्यार्थिनी कु.साक्षी पराडे हिने केले.
