*कायद्याचे पालन केल्यास जीवन सुखकर होईल.स्वाती कांबळे*
संग्रामनगर दि.२३ (केदार लोहकरे यांजकडून)अकलूज येथील शंकरराव मोहिते महाविद्यालयात राष्ट्रीय सेवा योजना,अंतर्गत तक्रार निवारण समिती,स्त्री पुरुष समानता व अँटी रॅगिंग समितीच्या वतीने महिलांविषयक कायदे या विषयावर व्याख्यान कार्यक्रमाचे आयोजन करण्यात आले होते.या कार्यक्रमाचे उद् घाटन अकलूज पोलीस स्टेशनच्या पोलीस उपनिरीक्षक स्वाती कांबळे यांनी केले.या कार्यक्रमाचे अध्यक्ष म्हणून महाविद्यालयाचे प्राचार्य डॉ.दत्तात्रय बागडे उपस्थित होते. प्रमुख पाहुण्यांनी आपल्या भाषणात सांगितले की,अकलूज पोलीस स्टेशनच्या वतीने निर्भय पथकाची निर्मिती केली आहे. महिलांवर होणारे अन्याय अत्याचारला प्रतिबंध करण्यासाठी व महिलांना न्याय देण्यासाठी निर्भय पथकाच्या माध्यमातून कार्यवाही करण्यात येते.त्यांनी या विषयाची माहिती विद्यार्थ्यांना समजावून सांगितली. व सर्वांनी कायद्याचे पालन करावे असे आवाहन केले. या कार्यक्रमासाठी प्रमुख उपस्थितीमध्ये अकलूज पोलीस स्टेशनचे ठाणे अंमलदार रमेश सुरवसे-पाटील यांनी सांगितले की, विद्यार्थ्यांनी मोबाईलचा वापर योग्य पद्धतीने करावा व आपल्या प्रत्येक गोष्टींची माहिती आपल्या पालकांना द्यावी.वाईट मार्गांचा अवलंब करू वाईट मार्गावर अपघात होण्याचे प्रमाण जास्त आहे.दिवसेंदिवस यापासून होणाऱ्या गुन्ह्यांच्या प्रमाणात वाढ होत आहे.यासाठी विद्यार्थ्यांनी अवांतर वाचन करून आपल्या बुद्धी कौशल्याचा विकास करावा व आपले जीवन सुखकर करावे असे सांगितले. या कार्यक्रमाचे अध्यक्ष डॉ.दत्तात्रय बागडे यांनी महाविद्यालयात विद्यार्थ्यांनी शिस्तीचे पालन करावे असे सांगून.कायदा व सुव्यवस्थेच्या दृष्टीने अकलूज पोलीस स्टेशनचे चांगल्या प्रकारचे साह्य मिळते. यासाठी त्यांनी अकलूज पोलीस स्टेशनचे आभार मानले. या कार्यक्रमासाठी डॉ.हनुमंतराव अवताडे,डॉ.चंकेश्वर लोंढे,डॉ.सज्जन पवार,डॉ.अपर्णा कुचेकर,प्रा.अश्विनी रेळेकर,प्रा.विजया बागल,स्वाती मिराजदार,महाविद्यालयाचे कार्यालयीन अधीक्षक युवराज मालुसरे उपस्थित होते. या कार्यक्रमाचे प्रास्ताविक डॉ.दमयंती कांबळे,सूत्रसंचलन प्रा.स्मिता पाटील व आभार डॉ.सविता सातपुते यांनी मानले.या कार्यक्रमासाठी महाविद्यालयातील विद्यार्थी विद्यार्थिनी मोठ्या संख्येने उपस्थित होते. कार्यक्रम पार पाडण्यासाठी राष्ट्रीय सेवा योजनेचे विद्यार्थी तसेच शिक्षकेतर कर्मचारी यांचे सहकार्य लाभले.
