*स्वातंत्र्याच्या अमृत महोत्सवानिमित्त शिवरत्न सेमी इंग्लिश स्कूलमध्ये प्रभात फेरीचे आयोजन*”
चला भारत गीते गाऊ,घरोघरी तिरंगा पाहू “या जयघोषात शिवरत्न सेमी इंग्लिश स्कूलमध्ये भारतीय स्वातंत्र्याचा अमृत महोत्सव साजरा करण्यात आला. या कार्यक्रमाच्या निमित्ताने प्रभात फेरी स्कूल मधून सुरू होत संपूर्ण महर्षी नगर परिसरातून काढण्यात आली. लोकांमध्ये देश प्रेम जागृत करण्यासाठी प्रभात फेरीच्या माध्यमातून विद्यार्थ्यांच्या घोषणांनी संपूर्ण महर्षी नगर परिसर दणाणून सोडला. फेरी दरम्यान प्रशालेतील शिक्षकांनी ‘हर घर तिरंगा’ या योजनेअंतर्गत प्रत्येक घरात तिरंगा लावण्याचे नियम आणि अटी याबाबत पालकांना जागृतीपर माहिती दिली. प्रभात फेरी पूर्ण करून बरोबर अकरा वाजता प्रशालेमध्ये संपूर्ण राष्ट्रगीताचे गायन घेण्यात आले, त्यानंतर ऑगस्ट क्रांती दिनानिमित्त काही विद्यार्थ्यांनी भाषणे दिली आणि वंदे मातरम गीताने कार्यक्रमाची सांगता करण्यात आली. या कार्यक्रमासाठी प्रशालेचे मुख्याध्यापक श्री जितेंद्र माने देशमुख सर आणि सर्व शिक्षक स्टाफ उपस्थित होता.
