कोडोली येथील यशवंत शिक्षणशास्त्र महाविद्यालयात स्वातंत्र्याचा अमृतमहोत्सव अनोख्या उपक्रमाने साजरा.* *पक्ष्यांसाठी निवारा उभारून महाविद्यालयाने दिला निसर्ग संवर्धनाचा संदेश.*

*कोडोली येथील यशवंत शिक्षणशास्त्र महाविद्यालयात स्वातंत्र्याचा अमृतमहोत्सव अनोख्या उपक्रमाने साजरा.* *पक्ष्यांसाठी निवारा उभारून महाविद्यालयाने दिला निसर्ग संवर्धनाचा संदेश.*

संग्रामनगर दि.23 (केदार लोहकरे याजकडून) अन्न,वस्त्र,निवारा या मानवाच्या मूलभूत गरजा तर अन्न आणि निवारा या मानवेतर पशू-पक्ष्यांच्या मूलभूत गरजा.मानवाने पशू-पक्ष्यांच्या नैसर्गिक अधिवासावर अतिक्रमण केल्याने बिचा-या या पक्षांचा जीव सैरभैर झाला आहे. कोडोली (ता.पन्हाळा) येथील यशवंत शिक्षणशास्त्र महाविद्यालयाच्या ” निसर्ग संवर्धन समितीने ” निसर्ग संवर्धनासाठी महाविद्यालयात एक अनोखा उपक्रम राबवून स्वातंत्र्याचा अमृतमहोत्सवाचा आनंद द्विगुणित केला आहे. पन्हाळा तालुक्यातील डोंगरी विभागातील निसर्गरम्य परिसरात माजी आमदार (कै) यशवंत एकनाथ पाटील यांनी सन 1990 ला यशवंत शिक्षणशास्त्र महाविद्यालय सुरू केले.कॉलेजचा परिसर पक्ष्यांच्या सुस्वर आवाजांनी नेहमीच गजबजलेला असतो.संस्थेच्या अध्यक्षा श्रीमती पद्मजादेवी प्रदीप पाटील,संस्थेचे सेक्रेटरी डॉ.जयंत पाटील,विश्वस्त विनिता पाटील यांच्या प्रेरणेतून कॉलेज परिसरात “पक्ष्यांसाठी निवारा” हा उपक्रम राबविण्याचे ठरले.महाविद्यालयाचे प्राचार्य डॉ.विश्वनाथ पाटील यांच्या मार्गदर्शनाखाली पक्ष्यांसाठी घरटी तयार करून ती महाविद्यालयाच्या परिसरात शनिवारी बसविण्यात आली. प्राचार्य डॉ.विश्वनाथ पाटील यांच्या हस्ते या उपक्रमाचा प्रारंभ करण्यात आला.याप्रसंगी प्रा.डी.डी.पाटील यांच्यासह प्रशासकीय कर्मचारी,प्रथम व द्वितीय वर्षाचे विद्यार्थी-शिक्षक उपस्थित होते. हा उपक्रम राबविण्यासाठी विद्यार्थी-शिक्षकांना प्रा.डी.डी.पाटील यांच्यासह अधीक्षक एस.के.पाटील, वरीष्ठ लिपिक अनिल इंदुलकर आणि सेवक तानाजी मोहिते यांचे विशेष सहकार्य लाभले.