विशेष/ प्रतिनिधी भैया खिलारे:
लातूर पोलीस दलातून एकअत्यंत हृदयद्रावक आणि खळबळजनक घटना समोर आली आहे.
येथील मोटार वाहन विभागात कार्यरत असलेल्या एका २८ वर्षीय महिला पोलीस चालकाने शासकीय पोलीस वसाहतीमधील आपल्या राहत्या खोलीत गळफास लावून आत्महत्या केली. ही घटना शनिवारी (२ मे) रात्री १० वाजेच्या सुमारास उघडकीस आली
.प्रियंका चव्हाण (वय २८) असे आत्महत्या केलेल्यामहिला पोलीस चालकाचे नाव आहे. त्या २०२३ च्या बॅचमधील असून लातूर पोलीस दलाच्या मोटार वाहन विभागात सेवेत होत्या.
शनिवारी दिवसभर त्यांनी आपल्या खोलीचा दरवाजा उघडला नव्हता. वारंवार हाक मारूनही आतून कोणताही प्रतिसाद न मिळाल्याने संशय बळावला.
अखेर ‘डायल ११२’ ला पाचारण करण्यात आले. पोलिसांनी खिडकीतून पाहिले असता, प्रियंका यांनी भिंतीच्या खिळ्याला गळफास घेतल्याचे धक्कादायक दृश्य समोर आले.मिळालेल्या माहितीनुसार, प्रियंका चव्हाण यांचे पोलीस दलातीलच एका पुरुष चालकासोबत प्रेमसंबंध होते. मात्र, दोघांच्याही कुटुंबीयांनी या विवाहास नकार दिला होता.
या वादाची माहिती मिळाल्यानंतरःपोलीस अधीक्षक अमोल तांबे यांनी स्वतः पुढाकार घेऊन दोघांची समजूत काढली होती.अधीक्षकांनी प्रियंका यांना संबंधित व्यक्तीकडून त्रास होत असल्यास रीतसर तक्रार देण्याचा सल्ला दिला होता.मात्र, प्रियंका यांनी तक्रार देण्यास नकार देत “त्याच्याशीच लग्न करायचे आहे” अशी भूमिका मांडली होती.
तपास आणि पोलीस कारवाई
घटनेची माहिती मिळताच पोलीस अधीक्षक अमोल तांबे, विभागीय पोलीस अधिकारी समीरसिंह साळवे, पोलीस निरीक्षक संतोष पाटील व अन्य अधिकारी तातडीने घटनास्थळी दाखल झाले. फॉरेन्सिक लॅब आणि अंगुलीमुद्रा तज्ज्ञांनी पुरावे गोळा केले आहेत
.प्रियंका यांनी हे टोकाचे पाऊल प्रेम प्रकरणातून उचलले की यामागे आणखी काही वेगळे कारण आहे?संबंधित पुरुष चालकाची सध्या कसून चौकशी सुरू आहे.रात्री उशिरा मृताचे नातेवाईक आल्यानंतर मृतदेह उत्तरीय तपासणीसाठी शासकीय वैद्यकीय रुग्णालयात पाठवण्यात आला आहे.
या घटनेमुळे लातूर पोलीस दलात मोठी हळहळ व्यक्त केली जात आहे.
