अकलूजमध्ये ३० मार्चला ‘विराट हिंदु संमेलन’; ह. भ प.अनिल महाराज देवळेकर करणार समाज प्रबोधन
अकलूज (रणजितदादा गायकवाड ):ऐतिहासिक आणि सांस्कृतिक वारसा लाभलेल्या अकलूज नगरीत येत्या सोमवार, ३० मार्च २०२६ रोजी एक अभूतपूर्व सोहळा रंगणार आहे.
हिंदु समाजातील एकता, संघटन आणि प्रखर राष्ट्रभक्ती जागृत करण्यासाठी ‘विराट हिंदु संमेलन’ आयोजित करण्यात आले आहे. या निमित्ताने संपूर्ण माळशिरस तालुका भगवेमय होणार असून, विजय चौक येथे सायंकाळी ६ वाजता या महासंमेलनाचा शंखनाद होईल.
भेदभाव विसरून एकवटणार हिंदू शक्ती”जात, पंथ आणि भाषा हे भेद विसरून आपण प्रथम ‘हिंदू’ म्हणून एकत्र येणे ही काळाची गरज आहे,” हा मुख्य उद्देश डोळ्यासमोर ठेवून या संमेलनाचे नियोजन करण्यात आले आहे.
आपली गौरवशाली हिंदु परंपरा, संस्कृती आणि पूर्वजांनी दिलेल्या मूल्यांचे संरक्षण व संवर्धन करण्यासाठी हे संमेलन एक महत्त्वाचा टप्पा ठरणार आहे.
*ह.भ.प. अनिल महाराज देवळेकर यांचे प्रबोधन*
या संमेलनाचे मुख्य आकर्षण म्हणजे सांगली येथील सुप्रसिद्ध वारकरी कीर्तनकार आणि प्रखर राष्ट्रभक्त व्याख्याते ह.भ.प. अनिल महाराज देवळेकर. ‘हिंदू समाज प्रबोधन’ या विषयावर ते आपले विचार मांडणार आहेत.
सांगली येथील ह.भ.प. अनिल महाराज देवळेकर हे प्रसिद्ध वारकरी कीर्तनकार, प्रबोधनकार आणि व्याख्यानकार म्हणून ओळखले जातात. वारकरी संप्रदायाच्या परंपरेतून त्यांनी कीर्तन आणि प्रवचनाच्या माध्यमातून समाजप्रबोधनाचे कार्य सातत्याने केले आहे.त्यांच्या कीर्तन व व्याख्यानांमध्ये धार्मिकतेसोबतच सामाजिक जाणीव, नैतिक मूल्ये, संस्कार आणि राष्ट्रभक्ती यांचा प्रभावी संगम दिसून येतो. साधी, समजण्यास सोपी भाषा आणि ओजस्वी शैली यामुळे त्यांच्या विचारांचा प्रभाव श्रोत्यांवर दीर्घकाळ राहतो.
युवकांना योग्य दिशा देणे, समाजात एकता निर्माण करणे आणि हिंदू संस्कृतीबद्दल अभिमान जागृत करणे यासाठी ते विशेष कार्यरत आहेत. त्यांच्या प्रेरणादायी विचारांमुळे अनेक ठिकाणी समाजजागृती घडून आली आहे.
आपल्या धारदार शैलीत आणि पुराव्यांसह मांडणी करणाऱ्या महाराज देवळेकर यांच्या मार्गदर्शनामुळे तरुणांमध्ये देशभक्तीची प्रेरणा निर्माण होईल, असा विश्वास आयोजकांनी व्यक्त केला आहे.
*कार्यक्रमाची प्रमुख वैशिष्ट्ये:*
राष्ट्रीयत्वाचे जागरण: केवळ धर्मच नव्हे, तर ‘राष्ट्र प्रथम’ ही भावना जनमानसात रुजवण्याचा प्रयत्न .सांस्कृतिक दर्शन: हिंदु संस्कृतीतील महान परंपरांची माहिती आणि त्यांचे महत्त्व विशद करणे. एकतेचा संदेश: समाजातील सर्व स्तरांतील लोकांनी एकत्र येऊन संघटित शक्तीचे दर्शन घडवणे.
*आयोजकांचे कळकळीचे आवाहन*
आयोजन समितीच्या वतीने आवाहन करण्यात आले आहे की, “आपल्या धर्माचे आणि संस्कृतीचे रक्षण करणे हे प्रत्येक हिंदूचे कर्तव्य आहे. आपल्या मुला-बाळांना आपल्या महान संस्कृतीची ओळख करून देण्यासाठी आणि हिंदू म्हणून एकजूट दाखवण्यासाठी या संमेलनास सहकुटुंब, सहपरिवार उपस्थित राहावे. “🚩 “एकत्र या, संघटित व्हा आणि संस्कृती जपा” — या विचाराने सहभागी व्हा! 🚩 #विराटहिंदूसंमेलन #हिंदूसमाजएकता #हिंदूसंघटन #हिंदूप्रबोधन #धर्मसंरक्षण#सनातनसंस्कृती #हिंदूजागृती #एकत्रया #देशभक्ती #संस्कृतीसंवर्धन#अकलूज #सोलापूर #माळशिरस #संघर्ष योद्धा न्यूज
