*कृषी मंत्र्यांच्या ‘होम ग्राऊंड’वरच भ्रष्टाचार? लासुर्णेच्या मंडळ अधिकाऱ्याचा राजरोसपणे मनमानी कारभार!*
इंदापूर (प्रतिनिधी):राज्याचे कृषी मंत्री आणि स्थानिक आमदार यांच्या निवासस्थानापासून हाकेच्या अंतरावर असलेल्या लासुर्णे (ता. इंदापूर) येथील महसूल विभागात भ्रष्टाचाराचा हाहाकार सुरू असल्याचे धक्कादायक वास्तव समोर आले आहे.
येथील मंडळ अधिकारी (Circle Officer) सर्वसामान्यांच्या कामांसाठी चक्क ‘अर्थपूर्ण’ तडजोडीची भाषा करत असल्याची चर्चा परिसरात रंगली असून, यामुळे संतापाची लाट उसळली आहे.
*नेमके प्रकरण काय?*
मिळालेल्या माहितीनुसार, लासुर्णे मंडल कार्यालयात जमिनीचे फेरफार, वारस नोंदी आणि सातबारा दुरुस्ती यांसारख्या कामांसाठी नागरिकांना वारंवार चकरा मारायला लावल्या जात आहेत.
विशेष म्हणजे, एका बाजूला राज्य सरकार ‘गतिमान प्रशासन’ आणि ‘भ्रष्टाचारमुक्त महाराष्ट्र’चा नारा देत असताना, दुसरीकडे कृषी मंत्र्यांच्याच बालेकिल्ल्यात अधिकारी नियम धाब्यावर बसवून भ्रष्टाचारात मग्न असल्याचे दिसून येत आहे
.लासुर्णे येथे कार्यरत असलेल्या मंडळ अधिकाऱ्यांवर भ्रष्टाचाराचे गंभीर आरोप होत असून या प्रकरणामुळे परिसरात खळबळ उडाली आहे.
महसूल विभागाशी संबंधित विविध कामांसाठी नागरिकांकडून अनावश्यक विलंब केला जात असल्याचे तसेच काही प्रकरणांमध्ये पैशांची मागणी होत असल्याचे आरोप स्थानिकांकडून करण्यात येत आहेत.
स्थानिक नागरिकांच्या म्हणण्यानुसार सातबारा उतारा, फेरफार नोंद, जमीन मोजणी, वारस नोंदणी तसेच इतर महसुली कामांसाठी नागरिकांना वारंवार मंडळ कार्यालयाच्या फेऱ्या माराव्या लागत आहेत. अनेकदा कागदपत्रे पूर्ण असूनही कामे वेळेत होत नसल्यामुळे शेतकरी व सर्वसामान्य नागरिकांमध्ये नाराजीचे वातावरण निर्माण झाले आहे
.मंत्र्यांच्या मतदारसंघातच अशा प्रकारचे आरोप समोर येत असल्याने प्रशासनाच्या कामकाजावर प्रश्नचिन्ह उपस्थित केले जात आहे.काही नागरिकांनी असा आरोप केला आहे की महसूल विभागातील काही कामे लवकर करून देण्यासाठी आर्थिक व्यवहारांची मागणी केली जाते. यामुळे शेतकरी आणि सामान्य नागरिकांना आर्थिक तसेच मानसिक त्रास सहन करावा लागत असल्याचे स्थानिकांचे म्हणणे आहे.
*नागरिकांची अडवणूक आणि आर्थिक लूट*
लासुर्णे परिसरातील अनेक शेतकरी आणि ग्रामस्थांनी नाव न सांगण्याच्या अटीवर तक्रार केली आहे की, “विना पैशाचे एकही पान हलत नाही.” साध्या कामांसाठीही चिरीमिरी दिल्याशिवाय फायली पुढे सरकत नसल्याने सामान्य जनता मेटाकुटीला आली आहे. “मंत्र्यांचे घर जवळ असूनही जर अधिकाऱ्यांवर धाक नसेल, तर दाद कोणाकडे मागायची?” असा सवाल आता नागरिक उपस्थित करत आहेत.
*प्रशासनाचे दुर्लक्ष की अभय?*
महसूल विभागाच्या या कारभाराबद्दल वरिष्ठ अधिकाऱ्यांना माहिती असूनही ते याकडे दुर्लक्ष करत आहेत का? की या भ्रष्टाचाराला कोणाचे पाठबळ आहे? असे प्रश्न आता विचारले जात आहेत.
इंदापूरचे तहसीलदार आणि जिल्हाधिकारी या प्रकरणी कठोर कारवाई करणार का, याकडे सर्वांचे लक्ष लागले आहे.
*चौकट :-
*”मंत्र्यांच्या जवळ राहून जर अधिकारी असे वागत असतील, तर ते संपूर्ण प्रशासनाचे अपयश आहे. लासुर्णेच्या मंडळ अधिकाऱ्यांची तात्काळ चौकशी होऊन त्यांच्यावर निलंबनाची कारवाई व्हावी, अन्यथा जनआंदोलन छेडले जाईल.” — *संतप्त नागरिक, इंदापूर तालुका.*
दरम्यान, या प्रकरणाची सखोल चौकशी करून दोषी आढळल्यास संबंधित अधिकाऱ्यांवर कठोर कारवाई करावी, अशी मागणी नागरिकांकडून करण्यात येत आहे. तसेच महसूल विभागातील कामकाज अधिक पारदर्शक आणि वेळेत व्हावे यासाठी वरिष्ठ अधिकाऱ्यांनी लक्ष घालण्याची गरज असल्याचेही मत व्यक्त केले जात आहे.
या संदर्भात संबंधित मंडळ अधिकाऱ्यांचा अधिकृत प्रतिसाद मिळू शकलेला नाही. प्रशासनाकडून या आरोपांची चौकशी केली जाईल का आणि यावर काय कारवाई होणार, याकडे आता परिसरातील नागरिकांचे लक्ष लागले आहे.
*संघर्ष योद्धा न्यूजचे नागरिकांना आवाहन*
लासुर्णे, ता. इंदापूर येथे मंडळ अधिकाऱ्यांवर होत असलेल्या भ्रष्टाचाराच्या आरोपांच्या पार्श्वभूमीवर संघर्ष योद्धा न्यूज सर्व नागरिकांना आवाहन करते की, कोणत्याही प्रकारचा अन्याय, भ्रष्टाचार किंवा गैरप्रकार आपल्या परिसरात होत असल्यास त्याविरोधात आवाज उठवणे ही प्रत्येक नागरिकाची जबाबदारी आहे.महसूल विभागाशी संबंधित कामांसाठी जर कोणत्याही अधिकाऱ्यांकडून अवैध पैशांची मागणी होत असेल किंवा नागरिकांना विनाकारण त्रास दिला जात असेल, तर अशा प्रकारांची माहिती पुराव्यासह पुढे आणावी. यामुळे संबंधित प्रकरणांची चौकशी होऊन सत्य जनतेसमोर येण्यास मदत होईल.
संघर्ष योद्धा न्यूज हे नेहमीच जनतेच्या प्रश्नांना वाचा फोडण्याचे काम करत आले आहे आणि पुढेही करत राहील. त्यामुळे नागरिकांनी आपल्या परिसरातील समस्या, भ्रष्टाचार, अन्याय किंवा सार्वजनिक हिताच्या मुद्द्यांची माहिती आमच्यापर्यंत पोहोचवावी.आपली माहिती गोपनीय ठेवली जाईल आणि जनतेच्या प्रश्नांना न्याय मिळवून देण्यासाठी आम्ही सतत प्रयत्नशील राहू.
– *संघर्ष योद्धा न्यूज* *जनतेचा आवाज,* *अन्यायाविरुद्ध संघर्ष*”
#संघर्षयोद्धा#संघर्षयोद्धान्यूज#इंदापूर#लासुर्णे#इंदापूरबातम्या#पुणेजिल्हा#महाराष्ट्रबातम्या#भ्रष्टाचार#जनतेचाआवाज#स्थानिकबातम्या#ब्रेकिंगन्यूज#आजचीमोठीबातमी
