अकलूज येथील बी बियाणे दुकानातून खरेदी केलेल्या निकृष्ट कांदा बियाणा मुळे इस्लामपूर येथील शेतकऱ्याचे लाखो रुपये चे नुकसान
अकलूज (प्रतिनिधी )पंचगंगा या कंपनी चे कांदा बियाणे निकृष्ट प्रतीचे निघाले असून त्यामुळे अतोनात नुकसान झाले आहे. तसेच यासंदर्भात ज्या दुकानातून हे बियाणे खरेदी केले. तो दुकानदार आता यासंदर्भात उडवा -उडवी ची उत्तरे देत आहे. असे इस्लामपूर येथील शेतकरी प्रकाश शिवाजी देशमुख यांनी सांगितले.
याबाबत सविस्तर माहिती अशी की, माळशिरस तालुक्यातील इस्लामपूर येथील शेतकरी प्रकाश देशमुख यांनी अकलूज येथील आझाद चौक येथील सुनील गांधी यांच्या सुनील ट्रेडिंग कंपनी या बी बियाणे विक्री करणाऱ्या दुकानातून 26-5-2022रोजी पंचगंगा या कंपनी चे सुमारे 6750₹किमतीचे बियाणे खरेदी केले होते. सदर बियाणे त्यांनी आपल्या शेतात लागण केलेल्या उसात आंतरपीक म्हणून पांढरा कांदा एक एकर व अर्धा एकर मध्ये लाल कांदा केला होता. परंतु अनेक दिवस उलटून गेले तरी कांदा उगवला नाही. त्यामुळे त्यांनी दुकानदाराला फोन करून या संदर्भात विचारणा केली असता, तुमचे काहीतरी चुकले असेल, अथवा तुमचे शेत खराब असेल. असे सांगितले.
वास्तविक पाहता इतर दुकानात या बियाणे ची किंमत नऊशे ते साडे आठशे असताना या दुकानात मात्र साडे सातशे रुपये प्रमाणे हे बियाणे देण्यात आले होते.
यापूर्वी याच दुकानातून तागाचे बी खरेदी केल्यानंतर ताग चांगला उगवला होता. मात्र कांदा बी आणल्यानंतर मात्र त्याच शेतात ते उगवले नाही.
दीड एकर मध्ये कांदा लावण्यासाठी बी खरेदी -6750₹, मशागतीचा खर्च नांगरट – 4500/-, रोटरणी – 3750/-, सरी – 3000/- , आणि विसकटायचे – जवळजवळ 700/- रू खर्च झाला. परंतु एवढा खर्च करून सुद्धा हाती काहीच लागले नाही. दीड एकरात सुमारे 200ते 250थैल्ली एवढे उत्पन्न निघते. एक थैल्ली 50किलो ची असते.एक किलो कांदा साधारणपणे 10रुपये किलो प्रमाणे बाजारात विकला जातो. म्हणजेच 1250किलो कांदा विक्रीतून येणारे एक लाख, पंचवीस हजार रुपये नुकसान झाले.आणि कांदा लावण्यासाठी एकूण खर्च अठरा हजार सातशे रुपये झाला.
परंतु दीड एकरात तुरळक कांदा उगवल्या मुळे हाती काहीच लागले नाही.
आम्हाला निकृष्ट दर्जाचे बियाणे देण्यात आल्यामुळे आमचे उत्पन्न न मिळाल्यामुळे मोठे नुकसान झाले आहे. पूर्वी याच दुकानातून घेतलेले बियाणे चांगले निघाल्यामुळे आम्ही विश्वासाने पुन्हा याच दुकानातून बियाणे खरेदी केले. परंतु निकृष्ट दर्जाचे स्वस्त बियाणे देऊन या दुकानदाराने आमची फसवणूक केल्याचे माळशिरस तालुक्यातील इस्लामपूर येथील शेतकरी प्रकाश देशमुख यांनी सांगितले.
चौकट :-.
कुंपणानेच शेत खाल्ले तर तक्रार कोणाकडे करणार.
गेल्या कित्येक वर्षापासून आम्ही शेती करीत आहोत. आजपर्यंत या शेतात अनेक पिके चांगल्या प्रतीची आली. आणि त्यातून चांगले उत्पन्न देखील मिळाले. परंतु कांदा बियाणे निकृष्ट दिल्यामुळे आमचे अतोनात नुकसान झाले आहे.
शेतकरी प्रकाश देशमुख, इस्लामपूर.
माळशिरस तालुक्यातील आणि इतर तालुक्यातील शेतकऱ्यांची बी बियाणे विक्रेते यांचेकडून अशा प्रकारची फसवणूक झाली असल्यास निसंकोचपणे 7841847458या नंबर वर संपर्क साधावा.
क्रमशः -भाग -2.
